# طريقة عمل عصير قمر الدين في البيت: مشروب رمضاني لذيذ ومنعش

> قمر الدين من المشروبات اللي ليها طابع خاص في رمضان، وناس كتير ما تقدرش تفطر من غيره. طعمه غني، قوامه كريمي، وفوايده كتير، خصوصًا في تعويض الجسم بالطاقة والسوائل بعد الصيام. في المقال ده، هنتعلّم سوا طريقة عمل عصير قمر الدين في البيت بسهولة، وبمذاق ينافس الجاهز وأحلى كمان!

**المطبخ المصري · 186 دقيقة · 6 أفراد · 150 سعرة للحصة**

قمر الدين من المشروبات اللي ليها طابع خاص في رمضان، وناس كتير ما تقدرش تفطر من غيره. طعمه غني، قوامه كريمي، وفوايده كتير، خصوصًا في تعويض الجسم بالطاقة والسوائل بعد الصيام. في المقال ده، هنتعلّم سوا طريقة عمل عصير قمر الدين في البيت بسهولة، وبمذاق ينافس الجاهز وأحلى كمان!

## المكوّنات

- 1 — لفة قمر الدين
- 3 كوب — ماء دافئ
- 3 ملاعق كبيرة — سكر
- ملعقة صغيرة ماء ورد أو فانيليا

## الخطوات

1. **تقطيع قمر الدين** — قطّعي اللفة لقطع صغيرة علشان تسهل في الذوبان.
2. **النقع** — ضيفي قطع قمر الدين في طبق عميق مع 2 كوب ماء دافئ.
3. سيبيه منقوع لمدة 2–3 ساعات، أو ليلة كاملة لو حابة.
4. **الخلط** — بعد ما يلين، اضربيه في الخلاط مع باقي المية والسكر (وزودي ماء الورد لو بتحبيه).
5. **التصفية والتقديم** — صفيه بمصفاة ناعمة لو عايزة قوام ناعم جدًا.
6. دخليه التلاجة، وقدميه بارد مع تلج.
7. **ليه تختاري قمر الدين؟** — غني بفيتامين A وC وطاقة طبيعية بيساعد على الهضم بيشبع وبيفتح النفس طعمه بيحبّه الكبار والصغيرين

## نصائح

- انقعي قمر الدين في مياه دافية مش سخنة — السخنة بتخلّيه يتكتّل.
- صفّيه في مصفاة رفيّعة بعد النقع عشان يطلع ناعم من غير حبيبات.
- رشّة ماء ورد في الآخر بتدّيه العطر المميّز — بعد ما يبرد مش وهو سخن.

## أسئلة شائعة

### ينفع أعمله بدون خلاط؟
أيوه، لو نقعتيه كويس ممكن تكملي تقليب يدوي، بس القوام هيكون أقل نعومة.

### هل لازم أضيف ماء ورد؟
لا، ده حسب الذوق، بس بيضيف نكهة شرقية مميزة.

### هل ممكن أزوّد الكمية؟
أكيد، بس حافظي على نفس النسبة بين المية وقمر الدين علشان الطعم يفضل مضبوط.

---

المصدر: https://hanakoleah.com/المطبخ-المصري/طريقه-عمل-عصير-قمر-الدين-في-البيت-مشروب-رمضاني-لذيذ-ومنعش
تحرير: مروة محمد
آخر تحديث: 2026-09-13